Dumenica, i nostri fratelli – è surelle – d’Irlanda ghjocanu contr’à l’Équipe de France. Una partita savurita chì rilancia d’un colpu l’interessu per l’Euro in l’isula. Ghjucadore mezanu di Premier League, James McClean, 27 anni, duveria principià nant’à u bancu. Ciò chì ùn l’impedisce micca d’esse u ghjucadore u più emuziunante di a selezzione di Martin O’Neill.
Simu u 17 di lugliu di u 2015. James McClean, appena trasferitu à West Bromwich Albion in arrivu di Sunderland, hè in turnata di prumuzione à i Stati Uniti cù u so novu club. A timperatura hè piacente è McClean è i so cumpagni sò tranquilli nanzu d’affruntà a squadra lucale di Charleston Battery, in Carulina di u Suddu. Ma allora chì u solu luce in e tribune di u MUSC Health Stadium, l’Americani anu a bona idea di sunà ‘God Save The Queen’ nanz’à u macciu. Mentre chì i ghjucadori di West Brom s’alignanu cun rispettu, James McClean cala u capu, si gira di spinu, è tene l’ochji fissi nant’à l’erba verde.
À una decina d’ora di volu da quallà, à u Reame Unitu, l’affare face un scandalu. In i media falanu scutrate nant’à l’ala manca di 26 anni è riceve una matalza d’insulte nant’à Twitter. Ma quessa, James si n’infutte. Nè hà l’abitutine.
» You Are Now Entering Free Derry
L’averete capita, James McClean hè Irlandese, è ùn ricunnosce l’innu britannicu cum’è soiu. Perchè ùn l’hè micca. Ma a storia hè appena di più cumplicata ch’è quessa. Ghjucadore di a selezzione di a Republica d’Irlanda, James hè natu in Derry, in Irlanda di u Nordu. D’altronde hà ghjucatu sette partite cù e selezzione di i giovani d’Ulster. Situata à un’ora è mezu à punente di Belfast, Derry hè cunnisciuta per esse stata u tristu teatru di u Bloody Sunday. U 30 di ghjennaghju Dà leghje :
Source:: Idule : James McClean, quellu chì dice di nò à u statu culuniale britannicu