By Zenbucucciu
Goran Bregovic chì avia arrubatu a meludia di » Solenzara » pè scrive » In the death car », a canzona di u filmu » Arizona dream » di Kusturica (cù Johnny Depp), ùn hè micca u solu musicante à esse statu seduttu da a canzona di Regina è Bruno. Eccu una duzina di versioni di l’innu piaghjincu scrittu da Bruno Baccara è Dominique Marfisi. Dodeci esempii di » u soft power » nustrale, lampatu à a cunquista di u mondu. 1) Una versione in alemanu
http://www.apiazzetta.com/video/
Cantata da Alexandra chì manda via e marine assulanate : Alexandra canta in la neve cù un tippu in calzunettu chì và à piscà…
2) » Solenzara » sunata à a ghitarra classica incù gustu da Noh Dong Hwan (hè cureanu…)
http://www.apiazzetta.com/video/
3) Un’interpretazione à a ghitarra elettrica » surf è orientale »
http://www.apiazzetta.com/video/
Pare esciuta da un filmu di Tarantino (state à sente à e percussioni scatinate quandu u tema principia dopu un minutu d’intruduzzione).